Oktober 2008
Is jy bekommerd oor die omgewing en wil
daadwerklik iets doen om die skade wat reeds
aangerig is, om te draai? Wel, ons maak
dit vir jou maklik. Mooiloop bied
elke maand aan lesers omgewingswenke. Stuur
jou groen wenke en meegaande foto's van
per e-pos aan bosstories@rsp.co.za.
SAEON benodig voëltel-vrywilligers
Die Suid-Afrikaanse Omgewingsobservasienetwerk
(SAEON) se Ndlovu-node benodig vrywilligers
vir 'n opname van Suid-Afrika se savanna-voëls.
Langtermyn-omgewingsmonitering, veral in
die Noordelike Halfrond, toon klimaatverandering
het reeds plante se groeiseisoene beïnvloed
en dat diere en plante se verspreidingspatrone
daardeur aangetas is. Ook migrerende voëls
se trekpatrone verander.
Omdat baie min data vir die Afrika-vasteland
beskikbaar is, het SAEON se Ndlovu-node
'n navorsingsprojek van stapel gestuur om
inligting rakende migrerende voëls
te versamel. Vrywillige voëlkykers
word betrek en die projek sal vir eers tot
Suid-Afrika se savannastreke beperk wees.
Kontak: Nikki Stevens, 013 735 3540,
nikki@saeon.ac.za,
www.saeon.ac.za.
Weg is jy, gogga
'n Reeks natuurlike en omgewingsvriendelike
insekweermiddels wat deur Repello Cape vervaardig
word, bied gemoedsrus vir groot en klein
in malariagebiede.
 Die
insekweermiddels kombineer onder meer geran-olie,
wat op sy beurt van geranium-olie geëkstraheer
is, en neem-olie wat van die Azadi-rachta
indica-boom afkomstig is. Die neem-olie
beheer insekte se reproduksie en groei effektief
sonder om hulle dood te maak.
Die Repello Cape-reeks sluit in 'n muskiet-noodhulpkissies
(R130, voldoende vir twee persone vir 'n
week in die bos); insekwerende armbande
(R30) wat vir sowat 120 uur doeltreffend
sal werk; RepellX-sproei (R50 per 100 milliliter)
wat deur muskiete gehaat word; en All Stings
Considered-room (R40) om die seer uit enige
byt- of steekplek te haal. Tick Safe (R60)
is 'n nie-olierige sproei wat bosluise weghou,
en 'n insekwerende tafeldoek (R30) is wat
jy vir 'n gogga-vrye piekniek nodig het.
Kontak: Clint Jones, 083 355 1278,
repello@polka.co.za.
-------------------------------------
September
2008
Augustus 2008
Julie 2008
Junie
2008
Mei 2008 |
