 Dawie
Kruger
Ek is Dawie Kruger alias Dawie Kabouter
of Ben Bosveld; so gedoop deur vriende
as gevolg van my voorliefde vir die
Bosveld van alle plekke. Ek is verseker
nie beste ou vir die stad se gewoel
of tou staan vir kos en dies meer
nie. Nee, gee my maar 'n plek waar
ek net my geliefdes en die natuur
om my het en ek is in my element.
Nee, ek is beslis nie jou "kom
ons ry die lang naweek Margate toe"-tipe
ou nie. Nee, gee my 'n stukkie Bosveld
en die sterrehemel sonder om tou te
staan vir twee ure by Milky lane vir
'n waterige roomys of twee ure in
'n KFC-ry om voor te kom en dan uit
vind dat jy nog 20 minute moet wag
omdat die hoenderstukkies nou klaar
is.
Ek is die gebore avonturier wat daarvan
hou om nuwe plekke te ontdek; partykeer
selfs in my eie stad, die Jakarandastad.
Elke keer as ek dink ek weet nou alles,
is daar 'n ander plek of avontuur
waarvan ek in my 39 jaar en 6 maande
op moederaarde en selfs in my tuisstad
nie van geweet het nie. Toer opsig
self is soos manna vir die siel, al
ry ek ver afstande sonder om 'n woord
met iemand te praat maak dit weer
'n nuwe stukkie van my siel heel.
Wanneer ek sien hoe die landskappe
verander en die natuurtonele verander
van bosveld, na grasveld, na woestyn,
na berge en dan die see.
As jy wil saamtoer, kyk na wat ons
beplan by www.theafricanexperience.co.za.
Altyd vars nuut en bleddie lekker!
Ek is ook lid van die Suid-Afrikaanse
Jagters- en Wildbewaringsvereniging
(www.sahunt.co.za)
en is doenig met 'n toergidskursus
deur Drum Beat Academy (www.drumbeatacademy.co.za).
Nouja, dis nou maar ek in 'n neutedop
vir julle.
Lekker lees.
Dawie Kruger alias Ben Bosveld
|
